НИЙТИЙН АЖ АХУЙН ХЭЛТЭС
Otgontuya
2017 оны “Барилгын хөгжлийн төв” төрийн өмчит үйлдвэрийн газрын зохион байгуулалт бүтэц, орон тооны дээд хязгаар, захиргааны албан тушаалын жагсаалтад өөрчлөлт оруулах тухай төрийн өмчийн хорооны 260 дугаар тогтоолоор тус төвд “Нийтийн аж ахун хэлтэс” байгуулагдсан. Манай хэлтсийн хамт олон байгуулагдснаасаа хойш Барилга хот байгуулалтын яамны чиг үүргийн хүрээнд нийтийн аж ахуйн салбарт хэрэгжүүлж байгаа бодлогыг баримтлан үйл ажиллагаагаа явуулж ирлээ.
Хэрэгжүүлсэн ажлын товч тайлан
2017-2020 онд Төрийн өмчийн нийтийн зориулалттай орон сууц хувьчилж авсан эсэх талаар "Орон сууц хувьчлалын мэдээллийн сан"-гаас шүүлт хийлгэх 902 албан хүсэлтэд хариу хүргүүлсэн.
Орон сууцны мэдээллийн сан
2019 онд Барилга хот байгуулалтын яамны захиалагаар улсын хэмжээнд ашиглалтад байгаа орон сууцны мэдээллийн санг багтаасан https://oronsuuts.mcud.gov.mn/ сайт ашиглалтад орсон. Уг мэдээллийн сангийн ашиглалтын үйл ажиллагааг болон сайтын хөгжүүлэлтийг нийтийн аж ахуйн хэлтэс нь бүрэн хариуцан ажиллаж байна.
Зохион байгуулсан сургалт семинар
2017 онд Өмнөговь аймгийн Цогт цэций суманд сантехникийн засварчны мэргэжил олгох , мэргэжил дээшлүүлэх сургалтыг зохион байгуулж 26 хүнд мэргэжлийн зэргийг олгосон.
2019 онд бага оворын халаалтын зуухны механик, сантехникийн засварчдыг чадавхижуулах, мэргэжлийн зэрэг олгох, ахиулах сургалтыг баруун болон хангайн бүсийн 9 аймгийг хамруулан Ховд , Хөвсгөл аймагт зохион байгуулсан. Сургалтын үр дүнд 120 хүнд мэргэжлийн зэргийн үнэмлэх олгосон.
2018 онд ОХУ-ын Новосибирск хотын “Горводоканал” нийтийн аж ахуйн байгуулагын үйл ажиллагаатай танилцаж, туршлага судлах зорилгоор 5 аймгийн 12 инженер техникийн ажилтаныг хамруулсан.
2018 онд БНХАУ-ын Хөх хотын нийтийн аж ахуйн байгуулагын үйл ажиллагаатай танилцаж, туршлага судлах зорилгоор 9 аймгийн 13 инженер техникийн ажилтаныг хамруулсан.
2019 ОХУ-ын Москва хотын Мосводоканал нийтийн аж ахуйн байгуулагын цэвэрлэх байгууламжийн үйл ажиллагаатай танилцаж, туршлага судлах зорилгоор 12 инженер техникийн ажилтаныг хамруулсан.
2019 онд Япон улсын Токио хот, Сайтама мужийн цэвэрлэх байгууламжийн үйл ажиллагаатай танилцаж, туршлага судлах зорилгоор орон нутгийн ГХБХБГ, нийтийн аж ахуйн байгууллага, аж ахуйн нэгжүүдийн 15 инженер техникийн ажилтаныг хамруулсан.