ХАНБНСТХ болон ХСДБСТХ
Otgontuya
ХАНБНСТХ болон ХСДБСТХ
“Монгол улсын хүн амын нутагшилт, суурьшлын хөгжлийн ерөнхий төсөл”
Монгол улсын хүн амын нутагшилт, суурьшлын хөгжлийн ерөнхий төслийг боловсруулах Хүн амын нутагшилт, бүс нутгийн судалгаа, төлөвлөлтийн хэлтэс, Хот суурин, дэд бүтцийн судалгаа төлөвлөлтийн хэлтсийг Засгийн газрын 2016 оны 121 дүгээр тогтоолоор баталсан “Монгол Улсын Засгийн газрын 2016-2020 оны үйл ажиллагааны хөтөлбөрийг хэрэгжүүлэх арга хэмжээний төлөвлөгөө”-ний 2.79.1-д “Монгол Улсын хүн амын нутагшилт, суурьшлын хөгжлийн ерөнхий төсөл боловсруулах ажлын хүрээнд Хот байгуулалт, эрдэм шинжилгээ, зураг төслийн институтийг байгуулж суурь судалгааны ажлыг гүйцэтгэх” гэж заасны дагуу “Барилгын хөгжлийн төв” ТӨҮГ-ын дүрмэнд өөрчлөлт оруулж, Төрийн өмчийн бодлого зохицуулалтын газрын 2018 оны 4 дүгээр сарын 3-ны 85 дугаар тогтоолын дагуу 2018 оны 5-р сард байгуулсан.
Монгол улсын хүн амын нутагшилт, суурьшлын хөгжлийн ерөнхий төслийг боловсруулах зорилго:
Монгол улсын түүх, соёл иргэншлийн уламжлал, бүсчилсэн хөгжлийн бодлого, хүрээлэн буй орчныг хамгаалах шаардлагад нийцүүлэн хүн амын эрүүл, аюулгүй амьдрах тааламжтай орон зайн орчныг бүрдүүлэхийн тулд бүс нутаг, хот, суурин газрын хөгжлийн стратеги, хүний аюулгүй байдал, байгаль экологи, эдийн засаг, нийгмийн хөгжлийн тэнцвэрт байдлыг судалж, хүн амын нутагшилт суурьшлын зохистой тогтолцоог бүрдүүлэх юм.
“Монгол Улсын хүн амын нутагшилт, суурьшлын хөгжлийн ерөнхий төсөл” боловсруулах ажлын хүрээнд 2020 оны 5-р сарын байдлаар дараах ажлууд хийгдээд байна. Үүнд:
Хүн амын нутагшилт, бүс нутгийн судалгаа, төлөвлөлтийн хэлтэс болон Хот суурин, дэд бүтцийн судалгаа, төлөвлөлтийн хэлтсийн хамтарсан баг Төвийн бүсийн 7 аймгийн 75 сум суурин газарт 2018 оны 11-р сард, Зүүн бүсийн 3 аймгийн 45 сум, суурин газарт 2019 оны 2-3-р сард, Баруун бүсийн 5 аймгийн 40 сум, суурин газарт 2019 оны 6-р сард, Хангайн бүсийн 3 аймгийн 45 сум, суурин газарт 2020 оны 5-р сард тус тус орон нутгийн судалгаагаар ажиллаж, тус төслийн танилцуулга хийх, анхан шатны шаардлагатай нийгэм-эдийн засгийн мэдээ, материал цуглуулах, орон нутгийн саналыг тусгах, орон нутагт байгуулагдсан дэд ажлын хэсгийн хурал зохион байгуулж ажиллалаа. Уг төслийн хүрээнд боловсруулагдсан судалгааны 35 маягтын дагуу орон нутгаас мэдээ материалыг авч нэгтгэж, өнөөгийн байдлын судалгааны тайланг боловсруулсан.
Ажил гүйцэтгэх гэрээ болон зургийн даалгаврын дагуу дундын шатны өнөөгийн байдлын судалгааны 2 боть тайланг холбогдох 11 газрын зургийн хамт боловсруулж, 2019 оны 11 сард захиалагчийн хяналт тавьж буй ГЗБГГЗГ-т хүлээлгэн өгсөн.
Хүн амын нутагшилт, суурьшлын хөгжлийн ерөнхий төслийн аргазүй, аргачлалыг Шинжлэх ухааны академи, их дээд сургуулийн эрдэмтэн судлаачид болон хот байгуулалтын салбарын тэргүүлэх мэргэжилтэн, зөвлөхүүдтэй хамтран боловсруулж “Хот төлөвлөлт, архитектурын мэргэжлийн зөвлөл”-ийн хурлаар 2020.04.15-нд хэлэлцүүлж, дараагийн шатны ШУТТЗ-ийн хурлаар хэлэлцүүлэхээр дэмжигдсэн.
Хот байгуулалтын баримт бичигт захиалагчийн хяналт тавих ажлын хүрээнд 2018-2020 онд Дархан, Улиастай, Цэцэрлэг, Арвайхээр, Өндөрхаан гэсэн 5 хотын хөгжлийн ерөнхий төлөвлөгөөнд захиалагчийн хяналт тавьж, 2020 оны 5-р сарын байдлаар 90 хувийн гүйцэтгэлийг хянаж баталгаажуулсан.
Цахим үзүүлэх үйлчилгээ:
Ø “МОНГОЛ УЛСЫН ХҮН АМЫН НУТАГШИЛТ, СУУРЬШЛЫН ХӨГЖЛИЙН ЕРӨНХИЙ ТӨСӨЛ”-ийн танилцуулга
”Цахим үйлчилгээ хариуцан ажиллах мэргэжилтэн:
Ø ХАНБНСТХ болон ХСДБСТХ-ийн мэргэжилтэн: А.Цолмон
Цахим үйлчилгээний холбогдох утас
Ø 70115055
Ø 99728555
Цахим хаяг